гадна, гадар гэдгийн эсрэг санаа;

1. дотоодод; гэрийн дотор; усан дотор; модон дотор; гай газар дороос, гахай модон дотроос зүйр;
2. юмны дотоод тал, дотоод этгээд; тогооны дотор; дээлийн дотор; хамбан гадартай халиун дотортой ардын дуу; аяганы дотор;
3. дотор эрхтэй, гэдэс дотор;

дотор өөх (дотор эрхтэний өөх);

дотор мах (гэдэс);

дотор базлах (гэдэс базлах адил өвдөх);

дотор муудах (гэдэс өвдөж зохисгүй болох);

дотор муутах (гэдэс, дотоод эрхтэн муу болох);

дотор өвдөх (гэдэс өвдөх);

дотор зайлагдах (унаа юманд ширүүн явснаас гэдэс өвдөх);

дотор хуржигнох (гэдэс дуугарах);

дотор мушгилах (дотор базлах);

дотор өвчин (гэдэс, цээжний хөндийн өвчин);

дотрын тасаг (дотор өвчнийг анагаан засах тасаг);

дотрын эмч (дотор өвчнийг анагаахад мэрэгжсэн эмч);

дотор им (амьтны уураг төмс ил бус; дотор имтэй хурга);

дотор гових (өлсгөлөнд дотор тэсэхгүй болох); 4. шилжсэн сэтгэл, санаа, бодлого;

хар дотортой, хөө дотортой (муухай санаатай);

хүйтэн дотортой (нинжийн сэтгэлгүй);

дотор бухимдах (уур хилэн ихэд хөдөлж сэтгэл үймрэх);

дотор цухалдах (дотор бухимдах);

дотор агсах (уур хилэн бадарч тэсч ядан байх);

дотор саруул болох (дотор уужрах);

дотор уужрах (уур хилэн намдах);

муухай дотортой (муу санаатай);

дотроо санах (ухаандаа тогтоон бодох);

дотор өвдөх (өр өвдөх);

хүний эрээн дотроо, могойн эрээн гаднаа хууч (хүний хорлол далд, могойн хорлол ил); 5. дотуур; дотор хувцас; дотор цамц; 6. зуураа, хоорондоо, дунд; гэрийн хэрэг гэр дотроо хууч; бид дотроо маргалдав; тэр хулгайч бидний дотор байгаагаас зайлахгүй; 7. хугацаанд; нэг сарын дотор багтааж гүйцэтгэх хэрэгтэй; долоо хоногийн дотор дуусгах ёстой ажил;

@дотор дэгээ (бөхийн мэх);

дотор газар (хятад нутаг);

дотор хүн (хятад хүн)